امریکہ میں ’مردہ دماغ‘ شخص میں سور کے گردے کا کامیاب ٹرانسپلانٹ

 امریکی ڈاکٹروں نے کامیابی کے ساتھ ایک ایسے شخص کے جسم میں سور کا گردہ ٹرانسپلانٹ کیا ہے جس کا دماغ مردہ ہو چکا ہے۔ ڈاکٹروں کا کہنا ہے کہ یہ ایک انتہائی اہم تجربہ ہے جو مستقبل میں انسانی اعضا کے عطیات میں قلت کا مسئلہ حل کرسکتا ہے۔

Image source : https://post.healthline.com/wp-content/uploads/2020/08/kidney-transplant_thumb.jpg

جس شخص کو یہ گردہ لگایا گیا ہے وہ دماغی طور پر مردہ ہے یعنی وہ شخص پہلے سے ہی مصنوعی لائف سپورٹ پر ہے اور اس کے صحتیابی کے امکانات نہ ہونے کے برابر ہیں۔

یہ گردہ ایک ایسے سور کا ہے جس میں جینیاتی تبدیلیاں لائی گئی تھیں تاکہ انسان کا جسم اس گردے کو غیر چیز سمجھ کر مسترد نہ کردے۔

اس تجربے کا ابھی دیگر سائنسدانوں کی جانب سے جائزہ نہیں لیا گیا نہ ہی اسے شائع کیا گیا ہے لیکن ایسا کیے جانے کا منصوبہ ہے۔

Source : https://www.bbc.com/urdu/science-59000196